(མཚོ་ནུབ) བོང་སྟག་རི་ལུ།
པར་ངོས། 4 2021ལོའི་ཟླ07པའི་ཚེས23ཉིན།
ཕོ་ལོ་བཞི་བཅུ་ལ་མེ་ཏོག་རྐང་གཅིག་ཟེར་བར་ང་ཡིད་ཆེས་གཅིག་བྱུང་།
དེ་ནི་འཚོ་བ་ཡི་ངོས་ནས་ནི་མེ་ཏོག་རྐང་གཅིག་ཡིན་པས་སོ། །
དགའ་སྐྱོ་མཐོང་ཡོད།
ཆགས་སྡང་མྱངས་ཡོད།
ཕོ་ལོ་བཞི་བཅུ་ལ་མེ་ཏོག་རྐང་གཅིག་ཟེར་བར་ང་ཡིད་ཆེས་གཅིག་བྱུང་།
དེ་ནི་སྤྱི་ཚོགས་ཀྱི་ངོས་ནས་ནི་མེ་ཏོག་རྐང་གཅིག་ཡིན་པས་སོ། །
སྙིགས་མ་དོར་ཤེས།
དྭངས་མ་ལེན་ཤེས།
ཕོ་ལོ་བཞི་བཅུ་ལ་མེ་ཏོག་རྐང་གཅིག་ཟེར་བར་ང་ཡིད་ཆེས་གཅིག་བྱུང་།
དེ་ནི་འཇིག་རྟེན་གྱི་ངོས་ནས་ནི་མེ་ཏོག་རྐང་གཅིག་ཡིན་པས་སོ། །
བཟོད་པ་སྒོམ་ཤེས།
ཉམས་སུ་ལེན་ཤེས།