ཟླ3པའི་ཚེས29ཉིན།　ཀྲུང་དབྱང་སྒྲིག་ཨུད་རྒྱལ་ཁབ་ལྟ་ཨུད་ཀྱིས2025ལོའི་ཟླ2པའི་རྒྱལ་ཡོངས་ཀྱི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་འགལ་བའི་གནད་དོན་ཞིབ་བཤེར་ཐག་གཅོད་བྱེད་པའི་ཕྱོགས་བསྡུས་གནས་ཚུལ་ཁྱབ་བསྒྲགས་བྱས་པ་རེད།　　　　　ཟླ་དེར་རྒྱལ་ཡོངས་ཀྱི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་འགལ་བའི་གནད་དོན11459ཞིབ་བཤེར་ཐག་གཅོད་བྱས་ཤིང་།　མི15209ལ་སྐྱོན་བརྗོད་སློབ་གསོ་དང་ཐག་གཅོད་བྱས་པ་དང་།　དེའི་ཁྲོད་མི9292ལ་ཏང་གི་སྒྲིག་ཁྲིམས་དང་སྲིད་དོན་གྱི་ཆད་པ་བཅད་ཡོད།　དེ་ནི་ཟླ་བ138བསྟུད་མར་ཟླ་རེའི་གྲངས་གཞི་ཁྱབ་བསྒྲགས་བྱས་པ་ཞིག་རེད།

ཞིབ་བཤེར་ཐག་གཅོད་བྱས་པའི་གནད་དོན་གྱི་རིགས་ནས་བལྟས་ན།　　　　འགན་འཁྲི་སྒྲུབ་པ་དང་།　　　　དཔལ་འབྱོར་སྤྱི་ཚོགས་འཕེལ་རྒྱས་ལ་ཞབས་འདེགས་ཞུ་བ།　　　　འབྱུང་ཁམས་ཁོར་ཡུག་སྲུང་སྐྱོང་བཅས་ཀྱི་ཐད་འགན་མི་འཁུར་བ་དང་།　　　　བྱ་སྤྱོད་མི་སྤེལ་བ།　བྱ་སྤྱོད་གང་བྱུང་དུ་སྤེལ་བ།　　　　བྱ་སྤྱོད་རྫུན་མ་སྤེལ་བ།　　སྤུས་ཚད་མཐོ་བའི་འཕེལ་རྒྱས་ལ་ཤུགས་རྐྱེན་ངན་པ་བཟོས་པ་བཅས་ཀྱི་ཐད་ནས་ཟླ2པར་གནད་དོན་ཁྱོན5235ཞིབ་བཤེར་ཐག་གཅོད་བྱས་ཤིང་།　དེས་ཟླ་དེར་ཞིབ་བཤེར་ཐག་གཅོད་བྱས་པའི་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཀྱི་གནད་དོན་བསྡོམས་འབོར་གྱི88.7%ཟིན་ཡོད།　　　　　ཟླ2པར་ཞིབ་བཤེར་ཐག་གཅོད་བྱས་པའི་ཁྱད་ལྡན་ཐོན་རྫས་རྩ་ཆེན་དང་ལག་རྟགས་དང་འབུལ་རྟེན་བཅས་སྒྲིག་སྲོལ་དང་འགལ་ནས་བསྡུ་ལེན་བྱེད་པ་དང་།　　　　སྒྲིག་སྲོལ་དང་འགལ་ནས་ཟ་འཐུང་བྱེད་པ།　སྒྲིག་སྲོལ་དང་འགལ་ནས་ཁ་གསབ་དང་ཕན་བདེའི་དངུལ་སྤྲོད་པ་བཅས་གནད་དོན་རིགས་3གྱིས་ཁག་སོ་སོར་ཟླ་དེར་ཞིབ་བཤེར་ཐག་གཅོད་བྱས་པའི་སྐྱིད་འདོད་རིང་ལུགས་དང་།　རྒྱས་སྤྲོས་གོམས་སྲོལ་གནད་དོན་གྱི53.4%དང་21.3%　　　12.4%ཟིན་ཡོད།　　

ཞིབ་བཤེར་ཐག་གཅོད་ཀྱི་རིམ་པ་ནས་བལྟས་ན།　　ཟླ2པར་རྒྱལ་ཡོངས་སུ་ས་གནས་དང་ཐིང་རིམ་པའི་འགོ་ཁྲིད་ལས་བྱེད་པའི་གནད་དོན64ཞིབ་བཤེར་ཐག་གཅོད་བྱས་པ་དང་།　　རྫོང་དང་ཁྲུའུ་རིམ་པའི་འགོ་ཁྲིད་ལས་བྱེད་པའི་གནད་དོན844ཞིབ་བཤེར་ཐག་གཅོད་བྱས་པ།　ཤང་དང་ཁོའོ་རིམ་པ་དང་དེ་མན་ཆད་ཀྱི་ལས་བྱེད་པའི་གནད་དོན10551ཞིབ་བཤེར་ཐག་གཅོད་བྱས་ཡོད།　　དེའི་ཁྲོད་ཤང་དང་ཁོའོ་རིམ་པ་དང་དེ་མན་ཆད་ཀྱི་ལས་བྱེད་པའི་གནད་དོན་གྱིས་ཞིབ་བཤེར་ཐག་གཅོད་བྱས་པའི་གནད་དོན་བསྡོམས་འབོར་གྱི92.1%ཟིན་ཡོད།