མཚོ་སྔོན་ཞིང་ཆེན་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་གིས་བརྗོད་དོན་སློབ་གསོ་གཏིང་ཟབ་ཏུ་སྤེལ་བ།
ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་སློབ་གསོ་སྤེལ་བའི་ཚུན་དུ། ཞིང་ཆེན་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་གིས་ཞིང་ཆེན་ཏང་ཨུའི་བརྗོད་དོན་སློབ་གསོ་གཞུང་སྒྲུབ་ཁང་གི་གཅིག་སྣོན་བདུན་གྱི་ཆེད་དོན་བཅོས་སྐྱོང་བྱ་བའི་བཀོད་སྒྲིག་ལྟར། རྒྱུན་རྣམ་ཅན་དུ་ནག་འཇོམས་ངན་སེལ་གྱི་འཐབ་རྩོད་སྤེལ་པ་འདྲེན་བྱེད་དུ་བྱེད་པ། འགོ་ཁྲིད་དེ་སློབ་གསོ་དང་དངུལ་རྩའི་ལས་ཁུངས། ཚོང་རའི་འཁོར་རྒྱུག་བཅས་ལས་རིགས་གསུམ་གྱི་ཁྱབ་ཁོངས་ཀྱི་འབུར་ཐོན་གནད་དོན་བཅོས་སྐྱོང་བྱས་པར་མ་ཟད། དེ་ཞིང་ཆེན་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་གི་ཆེད་དོན་བཅོས་སྐྱོང་གི་གདམ་བྱ་རུ་བརྩིས།
ཆེད་དོན་བཅོས་སྐྱོང་གིས་རྩ་འཛུགས་ཡོད་པའི་ཉེས་སྤྱོད་ལ་ངོ་རྒོལ་བྱེད་པའི་བཅའ་ཁྲིམས་ལག་བསྟར་བྱེད་པ་སྣེ་ཁྲིད་དུ་བྱས་པ་དང་། ཆེད་དོན་བཅོས་སྐྱོང་དང་མ་ལག་བཅོས་སྐྱོང་། ཁྲིམས་ལྟར་བཅོས་སྐྱོང་། ཕྱོགས་བསྡུས་བཅོས་སྐྱོང་། འགོ་ཁུངས་ནས་བཅོས་སྐྱོང་བྱེད་པ་བཅས་ཟུང་འབྲེལ་བྱས་ལ། ལས་རིགས་ཁྱབ་ཁོངས་ཀྱི་འབུར་ཐོན་གནད་དོན་བཅོས་སྐྱོང་བྱེད་པར་བརྟེན་ནས། ཁུངས་སྣེ་བསྡུ་རུབ་དང་ཞིབ་འཇུག་བརྡར་གཅོད། ཞིབ་བཤེར་དང་ཐག་གཅོད་བྱེད་པ་སོགས་ཀྱི་གནད་འགག་དུས་རིམ་གཙིགས་འཛིན་བྱས་པ་དང་། ནང་དོན་གཙོ་བོ་བཅུ་གསུམ་འབུར་དུ་ཐོན་པར་བྱས་ལ། བཅོས་སྐྱོང་འགུལ་སྐྱོད་བཅོ་ལྔ་སྤེལ་ནས། རྙོག་འཛིང་གི་གནས་ཚུལ་ལ་རྒྱུན་མཐུད་ངང་བཅོས་སྐྱོང་བྱས། སློབ་གསོ་ཁྱབ་ཁོངས་ཀྱིས་གཙོ་བོར་ནར་མ་སོན་པའི་སློབ་མ་བེད་སྤྱད་དེ་ནག་ངན་ཉེས་བཟོ་བྱེད་པ་དང་སློབ་རའི་བརྙས་བཅོས་བྱེད་པ། དགེ་སློབ་ལ་ཁ་གཏད་པའི་གཡོ་བསླུ་དང་། སློབ་རའི་དངུལ་བུན་སོགས་ཀྱི་ཁྲིམས་འགལ་ཉེས་བྱས་སྤྱོད་ཚུལ་ལ་ཆམ་ཕབ་བཏང་བ་དང་། སློབ་རའི་བདེ་འཇགས་ཆེད་དོན་བཅོས་སྐྱོང་གི་གྲུབ་འབྲས་ཇེ་ཟབ་ཏུ་བཏང་ལ། སློབ་ར་དང་དེའི་མཐའ་འཁོར་གྱི་བདེ་སྐྱོང་ཐད་ཀྱི་ཕྱོགས་བསྡུས་བཅོས་སྐྱོང་ལ་རྒྱུན་མཐུད་ངང་ཤུགས་བསྣན་ནས། སློབ་རའི་བདེ་འཇགས་ལ་སྲུང་སྐྱོང་བྱེད་པ་དང་འཆལ་ཕྱགས་འགལ་རྡུང་། སློབ་རའི་གཡོ་བསླུ་ལ་ངོ་རྒོལ་བྱེད་པ། གླེང་ཕྱོགས་ཀྱི་ཁོར་ཡུག་གཙང་བསྒྱུར་བྱེད་པ་སོགས་ཀྱི་ཕྱོགས་བསྡུས་བཅོས་སྐྱོང་འགུལ་སྐྱོད་གཏིང་ཟབ་ཏུ་སྤེལ། དངུལ་རྩ་ལས་རིགས་ཀྱིས་གཙོ་བོར་ཁྲིམས་འགལ་དངུལ་རྩའི་ལས་ཁུངས་དང་བྱ་འགུལ། ཁྲིམས་དང་འགལ་ནས་དངུལ་བུན་སྟེར་བ་དང་བཙན་ཤུགས་ཀྱིས་དངུལ་བུན་ཕྱིར་བསྡུ་བ་སོགས་ཀྱི་ཁྲིམས་འགལ་ཉེས་བྱས་སྤྱོད་ཚུལ་ལ་རྡུང་རྡེག་བྱས།
དེ་དང་མཉམ་དུ། ཆེད་དོན་བཅོས་སྐྱོང་གིས་འགོ་ཁྲིད་ཀྱི་འགན་ཁུར་བའི་ལམ་ལུགས་དང་ཞིབ་གཅོད་དབྱེ་ཞིབ་ཀྱི་ལམ་ལུགས། ཁྲིམས་ཆད་གཅོད་པ་དང་སྦྲེལ་མཐུད་བྱེད་པའི་ལམ་ལུགས། ལྟ་སྐུལ་དཔྱད་ཞིབ་ཀྱི་ལམ་ལུགས་སོགས་རྒྱུན་འཁྱོངས་བྱས་པ་དང་། མཉམ་ལས་གཞོགས་འདེགས་དང་གོང་འོག་མཉམ་འབྲེལ་་གྱི་བྱ་བའི་རྣམ་པ་གྲུབ་པར་བྱས་ལ། སྟོབས་ཤུགས་ཡོད་རྒུས་ནག་ངན་སྟོབས་ཤུགས་མེད་པར་བྱས་ཏེ། རྒྱ་ཆེའི་མི་དམངས་མང་ཚོགས་ཀྱི་ཁྲིམས་མཐུན་ཁེ་དབང་ལ་འགན་སྲུང་བྱས་པ་དང་། སྤྱི་ཚོགས་འཆམ་མཐུན་གཏན་འཇགས་ལ་སྲུང་སྐྱོང་བྱས།