ཞིང་ཆེན་ཆུ་བེད་ཐིང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཡིག་འབྲི་བཅུ་དྲུག་ཅན་གི་ཆུ་བཅོས་སྐྱོང་བསམ་ཕྱོགས་དང་མཚོ་སྔོན་དུ་རྟོག་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་གལ་ཆེན་ཕྱོགས་ཡོངས་ནས་དོན་འཁྱོལ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཆུ་བཅོས་སྐྱོང་བསམ་ཕྱོགས་མཚོ་སྔོན་གྱི་འཕེལ་རྒྱས་དང་བརྗོད་དོན་སློབ་གསོའི་ཁྲོད་སིམ་པར་བྱས་ཏེ། ཆུའི་ཐོན་ཁུངས་ལ་སྲུང་སྐྱོང་དང་ཆུའི་སྐྱེ་ཁམས་སླར་གསོ་བྱེད་པ། ཆུའི་ཁོར་ཡུག་ལེགས་བཅོས་བྱེད་པ། ཆུའི་བདེ་འཇགས་བརྟན་སྲུང་བྱེད་པ། ཆུ་བཅོས་སྐྱོང་ལ་སྐུལ་འདེད་གཏོང་བ། ཆུའི་རྨང་གཞི་སྲ་བརྟན་དུ་གཏོང་བ་སོགས་ཤུགས་འདོན་ས་དྲུག་དམ་འཛིན་བྱས་ནས་བློ་བརྟན་འགྱུར་མེད་ཀྱིས་ཀྲུང་ཧྭའི་ཆུ་མཛོད་བརྟན་སྲུང་མཁན་བྱེད་དགོས་ལ། བདེ་འཇགས་དང་སླད་མེད། མཛེས་སྡུག་གི་ཆུ་དང་མཚེའུ་སྐྲུན་ནས་ཆུའི་ཐོན་ཁུངས་ལ་སྲུང་སྐྱོང་བྱེད་དགོས།
ཆེས་གཟབ་ནན་གྱི་ཆུའི་ཐོན་ཁུངས་དོ་དམ་སྒྲིག་སྲོལ་ཕྱོགས་ཡོངས་ནས་དོན་འཁྱོལ་བྱེད་པ་དང་ཆུའི་ཐོན་ཁུངས་ཟད་ཚད་དང་ཆུའི་ཐོན་ཁུངས་ཀྱི་ཚད་གཉིས་ཚོད་འཛིན་བྱེད་པའི་འགུལ་སྐྱོད་ལག་བསྟར་བྱས་ནས་ཚད་མཐའ་གསུམ་བརྟན་སྲུང་བྱེད་དགོས། རྒྱུན་མཐུད་ངང་ཆུ་དང་མཚེའུ་ཡི་སྐྱེ་ཁམས་ཁོར་ཡུག་སླར་གསོ་བ་དང་ཆུ་གློག་ས་ཚིགས་ཀྱི་སྐྱེ་ཁམས་ལྕགས་རི་སོགས་ཆེད་དོན་འགུལ་སྤེལ་ནས་ཆུ་དང་མཚེའུའི་རྙོག་ཟིང་བཞི་མེད་པའི་བྱེད་པ་རྒྱུན་རྣམ་ཅན་དུ་གཏོང་བར་སྐུལ་འདེད་བཏང་སྟེ། ཆུ་ལམ་སྒེར་འཛིན་བྱེད་པ་དང་ཁྲིམས་འགལ་ངང་སྔོག་འདོན་བྱེད་པ་སོགས་གནད་དོན་ཆིག་སྟོང་བདུན་བརྒྱ་ཞེ་དྲུག་གཅིག་བསྡུས་སྒོས་ལེགས་བཅོས་བྱས།
རྨ་ཆུ་དང་ཙོང་ཆུ། མཚོ་སྔོན་པོ་སོགས་བཞུར་རྒྱུད་གཙོ་བོའི་མ་ལག་བཅོས་སྐྱོང་ལ་རྒྱུན་མཐུད་ངང་ཤུགས་བསྣན་ནས་ཞིང་ཆེན་ཡོངས་ཀྱི་ས་ཆུའི་སྲུང་འཛིན་ཚད་བརྒྱ་ཆའི་དོན་བརྒྱད་དུ་མཐོར་འདེགས་གཏོང་དགོས། ཆུ་དང་མཚེའུའི་ཆུའི་སྐྱེ་ཁམས་ཁོར་ཡུག་ཚད་ལེན་མ་ལག་འཐུས་ཚང་དུ་གཏོང་བ་དང་འབྲི་ཆུ་དང་རྨ་ཆུའི་ཡན་ལག རྫ་ཆུ་ཞིང་ཆེན་ནས་ཕྱིར་འབབ་པའི་བར་གྱི་ཆུའི་སྤུས་ཚད་རིམ་པ་གཉིས་པའམ་དེའི་ཡན་དུ་སྲུང་འཛིན་བྱེད་དགོས།
དེ་དང་མཉམ་དུ་འབྲི་ཆུ་སྲུང་སྐྱོང་བཅའ་ཁྲིམས་དང་རྨ་ཆུ་སྲུང་སྐྱོང་བཅའ་ཁྲིམས། མདོ་དབུས་མཐོ་སྒང་གི་སྐྱེ་ཁམས་སྲུང་སྐྱོང་བཅའ་ཁྲིམས། ཆུ་དཔོན་ལམ་ལུགས་དང་མཚོ་དཔོན་ལམ་ལུགས་ཀྱི་སྲོལ་ཡིག་སོགས་ཁྲིམས་ལུགས་སྒྲིག་སྲོལ་དོན་འཁྱོལ་ནན་མོ་བྱས་ཏེ། ཁྲིམས་ལུགས་ཁྱབ་བརྡལ་དང་ཁྲིམས་འཛིན་གྱི་ལྷུ་ཚིགས་སོ་སོའི་བྱ་བ་དམ་འཛིན་བྱེད་དགོས་པར་མ་ཟད། རྨ་ཆུའི་བཞུར་རྒྱུད་དུ་ཆུ་དཔོན་ལམ་ལུགས་དང་མཚོ་དཔོན་ལམ་ལུགས་ལག་བསྟར་བྱེད་པའི་སྲོལ་ཡིག་སྔོན་ལ་ལག་བསྟར་བྱས།
དེ་མིན་རིམ་པ་ལྔ་བའི་མཚོ་དཔོན་ལམ་ལུགས་ཀྱི་རྩ་འཛུགས་མ་ལག་ཕྱོགས་ཡོངས་ནས་སྐྲུན་པ་དང་། ཆུ་དཔོན་དྲུག་སྟོང་བདུན་བརྒྱ་ལྷག་དང་ཆུ་དཔོན་དང་མཚོ་དཔོན་གཞུང་སྒྲུབ་ཁང་ང་བཞི། ལས་རིགས་དང་སྡེ་ཁག་སོགས་ཉི་ཤུ་ལྷག ཆུ་དཔོན་དངདོ་སྲུང་བ་ཆིག་ཁྲི་དྲུག་སྟོང་གིས་འགན་སྒྲུབ་ཁག་ཁུར་བྱས་ནས་ལས་འགན་གསལ་བོ་དང་མཐུན་སྦྱོར་ལ་གོ་རིམ་ཡོད་པ། ལྟ་རྟོག་ནན་མོ་བྱེད་པ། སྲུང་སྐྱོང་ནུས་ལྡན་བྱེད་པའི་ཆུ་དཔོན་དང་མཚོ་དཔོན་དོ་དམ་སྲུང་སྐྱོང་འགན་འཁྲིའི་མ་ལག་གྲུབ་པར་བྱས། ཆུ་དང་མཚེའུའི་འཛུགས་སྐྲུན་ལ་ཕྱོགས་ཡོངས་ནས་སྐུལ་འདེད་བཏང་སྟེ་དོ་དམ་ཁྱབ་ཁོངས་ཀྱི་ཚད་མཐའི་ཕྱོགས་ཚད་དང་གནས་ཚད་ཀྱི་གཞི་གྲངས་མཛོད་བསྐྲུན་ནས་རྒྱལ་ཁོངས་བར་སྟོང་འཆར་འགོད་དང་འབྲེལ་བའི་ཆུ་དང་མཚེའུའི་སྐྱེ་ཁམས་བར་སྟོང་གྲུབ་པར་བྱས།