ཟླ6པའི་ཚེས25ཉིན། གསར་འགོད་པས་མཚོ་སྔོན་ཞིང་ཆེན་ཚོང་དོན་ཐིང་ནས་རྒྱུས་ལོན་བྱུང་བ་ལྟར་ན། ཞིང་ཆེན་ཚོང་དོན་ཐིན་གྱིས་ཐོས་བསམ་སྤྱོད་གསུམ་ཟུང་འབྲེལ་དང་ཤེས་དད་སྦྱོར་གསུམ་གཅིག་གྱུར་རྒྱུན་འཁྱོངས་བྱས་ཏེ། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་སློབ་གསོ་སྤེལ་བ་དང་ཚོང་དོན་གྱི་གཙོ་གནད་བྱ་བར་སྐུལ་འདེད་གཏོང་བ་གཉིས་ཟུང་འབྲེལ་བྱེད་པ་དང་། དགོངས་པ་སློབ། ཏང་གཤིས་བསྐྱེད། ལག་བསྟར་འཛིན། བྱས་རྗེས་འཇོག་ཅེས་པའི་སྤྱིའི་བླང་བྱ་ཁོང་དུ་བརྟན་པོར་ཆུད་པར་བྱས་ནས་ཚོང་དོན་ཁྱབ་ཁོངས་ཀྱི་ནང་ཕྱི་ཟུང་འབྲེལ་དང་། མཁར་གྲོང་སྦྲེལ་མཐུད། ཐོན་ཚོང་སྦྲེལ་མཐུད་ཀྱི་ལེགས་ཆ་འདོན་སྤེལ་གང་ལེགས་བྱེད་པ་དང་། ཕྱོགས་བཅུའི་ཐད་ཀྱི་བྱེད་ཐབས་བཏོན་ནས་ཞིང་གྲོང་དང་འབྲོག་ཁུལ་གྱི་ཚོང་དོན་འཁོར་རྒྱུག་རྒྱུན་མཐུད་ངང་མཐོར་འདེགས་དང་། སྒོ་འབྱེད་མཉམ་ལས་བརྟན་པོའི་ངང་རྒྱ་ཆེར་གཏོང་བ། མཁར་གྲོང་དཔལ་འབྱོར་འཁོར་རྒྱུག་སྔར་ལས་ཤར་བགྲོད་ཐུབ་པ། དཔལ་འབྱོར་གསོན་ཤུགས་དང་འཕེལ་རྒྱས་ཀྱི་གཏིང་ཤུགས་སྔར་ལས་ཆེ་རུ་བཏང་སྟེ་གྲོང་གསེབ་དར་སྤེལ་ལ་རྒྱུན་མཐུད་རོགས་འདེགས་དང་མཉམ་དུ་ཕྱུག་པོར་འགྱུར་བར་སྐུལ་འདེད་བཏང་།
ཞིང་ཆེན་ཚོང་དོན་ཐིང་གིས་འབྲེལ་ཡོད་ཞིང་ཆེན་དང་རང་སྐྱོང་ལྗོངས་ཀྱི་ཞིང་ཕྱུགས་ཐོན་རྫས་མཁོ་འཚོང་འབྲེལ་མཐུད་རྐྱེན་སྲོལ་འཛུགས་པ་དང་། ཞིང་ཆེན་ཕྱི་རོལ་དུ་ཞིང་ཕྱུགས་ཐོན་རྫས་ཉམས་ལེན་ཚོང་ཁང་འཛུགས་རྒྱུར་སྐུལ་མ་གཏོང་བ། ཀྲུང་གོའི（མཚོ་སྔོན）རྒྱལ་སྤྱིའི་སྐྱེ་ཁམས་དངོས་མང་འགྲེམ་སྟོན་ཚོགས་འདུ་སྐབས་གསུམ་པ་ལེགས་པོར་བསྒྲུབ་པ། ཁེ་ལས་རྩ་འཛུགས་བྱས་ཏེ་རྒྱལ་ཁབ་ཕྱི་ནང་གི་གཙོ་གནད་འགྲེམ་སྟོན་ལ་ཞུགས་པ། རྩ་འཛུགས་བྱས་ཏེ་ཐོན་རྫས་ཀྲུང་གོ་རྡོ་སྣུམ་རྫས་འགྱུར་བཟོ་ལས་ཚད་ཡོད་ཀུང་ཟིའི་ཞིང་ཆེན་ཕྱི་རོལ་གྱི་སྟབས་བདེའི་ཚོང་ཁང་དུ་འཇོག་པ། ཞིང་ལས་དང་སྒོ་རྩིས་ཚོང་ཁང་འབྲེལ་མཐུད་ཧུར་ཐག་བྱེད་པར་རྩ་འཛུགས་བྱེད་པ། གྲོང་ཁྱེར་དང་ཁུལ་སོ་སོའི་ཁྱད་ལྡན་ཞིང་ཕྱུགས་ཐོན་རྫས་ཐོན་སྐྱེད་ཁེ་ལས་དང་། ཞིང་ལས་མཉམ་ལས་ཁང་དང་ཟི་ལིང་གི་དབྱི་ཅ་ཆིན་སྒོ་རྩིས་ཚོང་ཁང་དང་། ཝང་ཧྥུའུ་ཅིན། བཞི་མདོ་ཆེན་མོའི་ཚོང་ར་སོགས་གཙོ་གནད་ཚོང་རའི་སྦྲེལ་མཐུད་ལ་སྐུལ་འདེད་བཏང་སྟེ་ཐོན་རྫས་ཚོར་རར་ཞུགས་པར་ཁྲིད་སྟོན་བྱས། ཚོང་ར་ཆེ་གྲས་གྲོང་ཁྱེར་དང་ཁུལ་དུ་ཞུགས་པར་བྱེད་པར་སྐུལ་འདེད་གཏོང་བ་དང་། མུ་འབྲེལ་ཚོང་ཁང་འབྲིང་ཆུང་གི་ཚོང་རྟགས་གྲགས་ཅན་དང་གཞི་ཁྱོན་ཅན་དུ་འགྱུར་བ་འཕེལ་རྒྱས་སུ་བཏང་། ཞིང་ལས་ཐོན་རྫས་ཀྱི་སྡེབ་འཚོང་ཚོང་ར་ཆེ་འབྲིང་གིས་ས་གནས་དེ་གའི་སྔོ་ཚལ་བྲིན་ཚོང་ཆེད་ཁུལ་དང་། ས་གནས་དེ་གའི་དབྱར་ཚལ་ཆེད་ཁུལ་འཛུགས་སྐྲུན་བྱེད་པར་ཁྲིད་སྟོན་བྱས་ནས་ཞིང་པར་ཕན་པ་དང་ཞིང་པར་སྟབས་བདེ་ཡོང་བར་ཞབས་འདེགས་ཞུ་དགོས། རྫོང་ཁོངས་ཀྱི་ཞིང་ལས་ཕྱོགས་བསྡུས་ཉོ་ཚོང་ཚོང་ར་སྤུས་དག་རིམ་སྤོར་བསྒྱུར་བཀོད་བྱེད་པར་རྒྱབ་སྐྱོར་བྱེད་པ་དང་། ཞིང་སྡེའི་འཁོར་རྒྱུག་མ་ལག་འཛུགས་སྐྲུན་བྱེད་པར་རྒྱུན་མཐུད་སྐུལ་འདེད་བཏང་།